فيديو مؤثر جدا ومعبر عن حصاد ما تفعله مع ابنائك
أنت تحصد ما زرعت !!
وكل ما تفعله الآن سيعود اليك يوما ما.
وكل ما تفعله الآن سيعود اليك يوما ما.
لازم تشوف الفيديو ده، لأنك في أقل من دقيقة هتفهم حاجات كتير، هتفهم أننا فعلا معندناش القدرة على تقييم الأمور صح، مش فاهمين ايه الأولويات في حياتنا وإيه اللي مش أولويات، الحقيقة أنه مفيش أي أعذار أننا نضيع حياتنا وحياة اللي بنحبهم علشان أي شيء تاني، حتى لو كان الهدف أننا نعمل فلوس كتير ليهم أو نحقق نجاح كبير لينا أو ليهم، وحتى لو الأهداف دي حتى اتحققت وده طبعًا مش مؤكد، مش هيبقى ليها طعم أو معنى لو كنا فقدنا اللي بنحبهم في سبيل الوصول ليها..
الفيديو ده بسيط، لكنه مؤثر وصادم، لأنه بيكشف شيء كلنا بنقع فيه كل يوم مع أهم ناس في حياتنا، مش لازم يكون مع أولادنا بس، ممكن يكون مع أهالينا، ممكن يكون مع اخواتنا، مع أصحابنا المخلصين، مع كل حد بيحبك وأنت فعلا بتحبه .. بس للأسف معندكش وقت تقوله كدة ولا فاضي أصلا تقعد معاه شوية دقايق !! لأنك مشغول بحاجات تانية كتيرة .. ملهاش أي لازمة مهما كانت مهمة !!
وعلشان كدة بفكرك وبفكر نفسي، اللحظة الحلوة مابترجعش والضحكة الصافية من قلب بيحبك وبتحبه تسوى الدنيا ومافيها، عيش حياتك دلوقتي مع الناس اللي بتحبهم من غير حجج ومبررات، لأن حياتك بين أحبابك لا تقارن بمال الدنيا كله، وخليني أرجع وأقولك:
كل الأعذار كاذبة يا صديقي، من يريد سيستطيع.
كل الأعذار كاذبة يا صديقي، من يريد سيستطيع.
اترككم مع الفيديو